១.១. លំនាំដើម
សេដ្ឋកិច្ចកម្ពុជា បន្តរីកចម្រើនលឿនក្នុងចំណោមប្រទសកំពុង អភិវឌ្ឍន៍ផ្សេងៗទៀតនៅក្នុងតំបន់អាស៊ី ក្នុងអំឡុងប៉ុន្មានឆ្នាំកន្លងមកនេះ ។ ក្នុងរយៈពេល ៥ឆ្នាំចុងក្រោយនេះ
កម្ពុជាមានកំណើនសេដ្ឋកិច្ចប្រចាំឆ្នាំជាមធ្យមប្រមាណ ៧%
ដោយសារកំណើនការនាំចេញសម្លៀកបំពាក់ ការរីកចម្រើនផ្នែកអចលនទ្រព្យ និងសំណង់។
បច្ចុប្បន្នវិស័យការងារនៅក្នុងប្រទេសកម្ពុជាមានការអភិវឌ្ឍន៍យ៉ាងខ្លាំងជាលំដាប់
ជាពិសេសវិស័យធនាគារ ទាំងវិសាលភាព នឹងទំហំប្រតិបត្តការ។ ក្នុងនោះផងដែរ
វិស័យមីក្រូហិរញ្ញវត្ថុក៏មានការរីកចម្រើនជាលំដាប់
និងមានបណ្តាញសេវាទូលំទូលាយដល់តំបន់ជនបទក្នុងការផ្តល់នៅសេវាកម្មហិរញ្ញវត្ថុដល់សហគ្រាសខ្នាតតូចនឹងមធ្យម
។ ការរីកចម្រើនថ្មីៗរបស់គ្រឹះស្ថានមីក្រូហិរញ្ញវត្ថុ
ត្រូវបានមើលឃើញតាមរយះការពង្រឹងសមត្ថភាព ចំណេះជំនាញក្នុងការពង្រីករចនាសម្ព័ន្ធប្រតិបិត្តការសម្រាប់បម្រើសេចក្តីត្រូវការរបស់សាធារណៈជន។
ដោយសម្លឹងមើលឃើញ មានការរីកចម្រើនយ៉ាងខ្លាំង
នឹងមានហេដ្ឋារចនាសម្ព័ន្ធដល់តំបន់ជនបទ ធ្វើអោយតម្រូវការធនធានមនុស្សមានការកើនឡើងដើម្បីរួមចំណែកអនុវត្តកម្មវិធីកាត់បន្ថយភាពក្រីក្ររបស់រដ្ឋាភិបាលនូវភាពកង្វះការងារធ្វើ-ល-។
ម្យ៉ាងវិញទៀត ដោយមើលឃើញនៅតម្រូវការ
នឹងការខិតខំប្រឹងប្រែងការអនុវត្តការងាររបស់បុគ្គលិក
នឹងការរក្សាទុកនៅបុគ្គលិកដែលមានស្នាដៃ នឹងបទពិសោធន៍ល្អក៏ដូចជាប្រាក់ចំណូលខ្ពស់ដល់ស្ថាប័ន
គ្រឹះស្ថានមីក្រូហិរញ្ញវត្ថុ LOLC បានផ្តល់នៅអត្ថប្រយោជន៍
នឹងការលើកទឹកចិត្តយ៉ាងខ្ពស់ទៅអោយបុគ្គលិករបស់ខ្លួននាបច្ចុប្បន្ន។ ហេតុនេះហើយ
ទើបក្រុមយើងខ្ញុំជ្រើសរើសយកនូវ គ្រឹះស្ថានមីក្រូហិរញ្ញវត្ថុ LOLC ដើម្បីចុះកម្មសិក្សា នឹងចងក្រងជារបាយការណ៍កម្មសិក្សាក្រោមប្រធានបទ “
ការលើកទឹកចិត្តបុគ្គលិក របស់គ្រឹះស្ថានមីក្រូហិរញ្ញវត្ថុ LOLC សាខាខេត្តរតនគិរី” ។
១.២ ចំណោទបញ្ហា
ជាការពិតណាស់
ការលើកទឹកចិត្តដល់បុគ្គលិកពិតជាមានសារៈសំខាន់ក្នុងការបំពេញចិត្តដល់បុគ្គលិករបស់ខ្លួន
ដែលបានខិតខំប្រឹងប្រែងបំពេញការងារជូនស្ថាប័ន ឬអង្គភាពនិងធ្វើអោយបុគ្គលិកខិតខំធ្វើការងារបន្ថែមទៀត
ដើម្បីអោយស្ថាប័នរបស់ខ្លួនទទួលបានការរីកចម្រើននិងជោគជ័យទ្វេមួយកម្រិតទៀត។គ្រឹះស្ថានមីក្រូហិរញ្ញវត្ថុ
LOLC ក៏បានបង្កើត និងផ្តល់នូវអត្ថប្រយោជន៍ និងការលើកទឹកចិត្តជាច្រើនផ្សេងទៀត ដើម្បីជាការបំពេញចិត្តក្នុងការរក្សាបុគ្គលិករបស់ខ្លួនអោយបានល្អ
និងផ្ដល់នូវការបណ្តុះបណ្តាល ការហ្វឹកហ្វឺននិងជំនាញយ៉ាងច្រើនដល់ពួកគេ
ក្នុងការអភិវឌ្ឍធនធានមនុស្សរបស់គ្រឹះស្ថានមីក្រូហិរញ្ញវត្ថុ LOLC ឲ្យរឹងមាំនិងគង់វង្សយូរអង្វែងដើម្បីពង្រឹងនិងពង្រីក សេវាកម្មនិងប្រតិបត្តិការបស់ខ្លួនអោយបានទូលំទូលាយគ្រប់ទីកន្លែងទូទាំងប្រទេស
និងអាចឈានទៅដល់ក្រៅប្រទេស ដែលផ្តើមចេញពីការរក្សាបុគ្គលិកដែលល្អនិងខ្លាំងពូកែដើម្បីបន្តការងារជាមួយគ្រឹះស្ថានមីក្រូហិរញ្ញវត្ថុ
LOLC យូអង្វែងដែលតម្រូវអោយផ្នែកធនធានមនុស្សផ្តល់នៅការលើកទឹកចិត្ត
និងការទូទាត់សំណងខ្ពស់ចំពោះបុគ្គលិកទាំងអស់របស់ខ្លួន។
ដោយយោងទៅលើការចុះកម្មសិក្សានៅគ្រឹះស្ថានមីក្រូហិរញ្ញវត្ថុ LOLC ទៅលើប្រធានបទ “ ការលើកទឺកចិត្តបុគ្គលិករបស់គ្រឹះស្ថានមីក្រូហិរញ្ញវត្ថុ
LOLC សាខាខេត្តរតនគិរី” ដែលក្នុងនាមជាស្ថាប័នមួយដែលបានផ្តល់នូវការលើកទឹកចិត្តខ្ពស់ចំពោះបុគ្គលិករបស់ខ្លួន
ធ្វើអោយយើងមានចំនោទបញ្ហាដូចតទៅ ៖
តើគ្រឹះស្ថានមីក្រូហិរញ្ញវត្ថុ LOLC មានគោលការណ៍
និងយុទ្ធសាស្រ្តអ្វីខ្លះក្នុងការលើកទឹកចិត្តបុគ្គលិក?
១.៣
គោលបំណងនៃការស្រាវជ្រាវ
ដោយមានការរីកចម្រើនលើវិស័យការងារ និងការយល់ដឹងទៅលើច្បាប់ការងារ និងនីតិវិធី
ទៅតាមស្ថាប័នរបស់គ្រឹះស្ថានមីក្រូហិរញ្ញវត្ថុ LOLC ជាមួយនឹងអត្ថប្រយោជន៍ និងការលើកទឹកចិត្តខ្ពស់។
គ្រឹះស្ថានមីក្រូហិរញ្ញវត្ថុ
LOLC បានផ្តល់នៅការលើកទឹកចិត្តផ្សេងៗគ្នាទៅតាមមុខងារ និងតួនាទីដើម្បីជាជម្រើសសម្រាប់បុគ្គលិកចូលបម្រើការងារជាមួយស្ថាប័ន
និងពេញចិត្តក្នុងការចង់ចូលបម្រើការងារជាមួយនឹងគ្រឹះស្ថានមីក្រូហិរញ្ញវត្ថុ
LOLC។ ដោយឃើញនូវមូលហេតុទាំងនេះហើយទើបក្រុមយើងខ្ញុំបានធ្វើការសុំការអនុញ្ញាតពីគ្រឹះស្ថានមីក្រូហិរញ្ញវត្ថុ
LOLC សាខាខេត្តរតនគិរី ដើម្បីធ្វើការសិក្សានូវចំនុចខូចខាងក្រោម
៖
-
ស្ថានភាពទូទៅរបស់គ្រឹះស្ថានមីក្រូហិរញ្ញវត្ថុ
LOLC
- ក្រមសីលធម៌របស់បុគ្គលិកចំពោះការលើកទឹកចិត្ត
- គោលការណ៍ក្នុងការលើកទឹកចិត្តបុគ្គលិក
- ប្រភេទនៃការលើកទឹកចិត្ត
- វិធីសាស្ត្រក្នុងការលើកទឹកចិត្តបុគ្គលិក
- គោលបំណង នឹងសារៈសំខាន់នៃការលើកទឹកចិត្ត
- ផលប្រយោជន៍នៃការលើកទឹកចិត្ត
-
ចំនុចខ្លាំង
នឹងចំនុចខ្សោយក្នុងការលើកទឹកចិត្តបុគ្គលិក
១.៤ ទំហំ
និងដែនកំណត់នៃការស្រាវជ្រាវ
ដោយក្រុមយើងខ្ញុំសម្លឹងមើលឃើញថា
គ្រឹះស្ថានមីក្រូហិរញ្ញវត្ថុ
LOLC មានតំបន់ប្រតិបត្តិការផ្ទាល់នៅក្នុងសាខាខេត្តរតនគិរី ជាមូលហេតុធ្វើអោយក្រុមយើងខ្ញុំមានការងាយស្រួលក្នុងការចុះយកព័ត៌មាននឹងអាចធ្វើការ
វាយតម្លៃបានទៅលើគោលការណ៍នៃការលើកទឹកចិត្តបុគ្គលិករបស់ គ្រឹះស្ថានមីក្រូហិរញ្ញវត្ថុ
LOLC ខេត្តរតនគិរី
ដែលមានទីស្នាក់ការនៅ ផ្ទះលេខ B០៦-០៧ ផ្លូវជាតិលេខ ៧៨A ភូមិអភិវឌ្ឍន៍ សង្កាត់ទ្បាបានសៀក ក្រុងបានលុង ខេត្តរតនគិរី
ក្នុងឆ្នាំ២០១៧។
ចំពោះទំហំការងារនៃការចុះកម្មសិក្សា គឺក្រុមយើងខ្ញុំបានធ្វើការសិក្សានិងស្វែងយល់អំពីស្ថានភាពទូទៅរបស់គ្រឹះស្ថានមីក្រូហិរញ្ញវត្ថុ
LOLC សាខាខេត្តរតនគិរី និងការអនុវត្តន៍នូវការលើកទឹកចិត្តទៅលើបុគ្គលិកតែប៉ុណ្ណោះ។
១.៥ សារៈប្រយោជន៍នៃការស្រាវជ្រាវ
ចំពោះសារៈសំខាន់នៃការចុះធ្វើកម្មសិក្សាស្តីអំពី
“ ការលើកទឹកចិត្តបុគ្គលិករបស់គ្រឹះស្ថានមីក្រូហិរញ្ញវត្ថុ LOLC ” បានផ្តល់អត្ថប្រយោជន៍ដូចជា ៖
- - យល់ដឹងពីវិធីសាស្រ្ត និងនីតិវិធីក្នុងការលើកទឹកចិត្តបុគ្គលិក
- - ជាចំណេះដឹងក្នុងការកសាងនូវធនធានមនុស្ស និងបុគ្គលិកល្អៗសម្រាប់អង្គភាព។
- - ពង្រីកចំណេះដឹងបន្ថែមដោយផ្សារភ្ជាប់ទៅនឹងទ្រឹស្តី និងការអនុវត្តន៍ជាក់ស្តែង។
- - យល់អំពីគោលការណ៍ នីតិវិធីនិងស្ថានភាពទូទៅ របស់គ្រឹះស្ថានមីក្រូហិរញ្ញវត្ថុ LOLC ។
- - យល់ដឹងអំពីភាពកង្វះខាត និងបញ្ហាដែលកើតមានឡើងទៅលើបុគ្គលិក និងស្វែងរកនូវដំណោះស្រាយពាក់ព័ន្ធនឹងការរក្សាបុគ្គលិក
- - ជាមូលដ្ឋានគ្រឹះសម្រាប់យើងខ្ញុំរៀបចំការងារនាពេលអនាគតអោយល្អប្រសើរ
- - ទុកជាឯកសារសម្រាប់និសិត្សជំនាន់ក្រោយ ដើម្បីធ្វើការស្រាវជ្រាវទៅលើចំនុចខ្វះខាតរបស់ខ្លួន។
