បាក់ទំនប់វារីអគី្គសនីនៅឡាស្លាប់និងបាត់ខ្លួនរាប់រយនាក់

ប្រទេសឡាវ៖ ឡាវបានជួបនៅសោកនាដកម្មមួយ ដោយសារតែការបាក់ទំនប់វារីអគ្គីសនី Xe Pian Xe Nampoy Attapeu ស្ថិតនៅភាគ អាគ្នេយ៍ប្រទេស ឡាវ កាលពីថ្ងៃទី ២៣ខែកក្កដា បណ្តាលឲ្យពលរដ្ឋរាប់រយ ស្លាប់និងបាត់ខ្លួន ។

គ្រោះថ្នាក់បាក់ទំនប់ Xe Pian Xe Nampoy Attapeu ដែលកំពុងសាងសង់ឡើងដោយក្រុមហ៊ុន PNPX ។ គ្រោះថ្នាក់ខាងលើ បណ្តាលឲ្យមនុស្សបាត់ខ្លួនរាប់រយនាក់ ស្ថិតនៅ៦ភូមិផ្សេងគ្នា ក្នុងស្រុក Sanamxay ខេត្ត Attapeu ភាគអាគ្នេយ៍ប្រទេសឡាវ ។ សារព័ត៌មានឡាវ LNA បានផ្សាយថា៖ ពលរដ្ឋដែលបាត់ខ្លួនអាចនឹងស្លាប់ ។ បច្ចុប្បន្ន មានពលរដ្ឋ ៦.៦០០នាក់គ្មានផ្ទះសម្បែងរស់នៅដោយសារតែទឹកលិច។ មន្ត្រីក្នុងតំបន់បានប្រើប្រាស់គ្រប់មធ្យោបាយដើម្បី ជម្លៀងពលរដ្ឋទៅកាន់តំបន់មានសុវត្ថិភាព ពេលទឹកជនកើនឡើងយ៉ាងឆាប់រហ័សនិងហូរលឿន ។ សារព័ត៌មាន ABC Laos News បានផ្សាយនៅរូបភាពបង្ហាញឲ្យឃើញថា ពលរដ្ឋជាច្រើនត្រូវឡើងលើដំបូលផ្ទះរងចាំការជួយសង្គ្រោះ។

ក្រុមហ៊ុនសាងសង់ PNPC បានប្រកាសថា ៖ ហេតុការខាងលើ បណ្តាលឲ្យទឹកប្រមាណ ៥ពាន់លានម៉ែត្រគីប ហូចូលដងទន្លេរ Xe Pain ។ មកទល់ពេលនេះមន្ត្រី ក្នុងតំបន់មិនទាន់អាច បញ្ជាក់ពីតួលេខឲ្យបានច្បាស់ពីចំនួនពលរដ្ឋបាត់ខ្លួននៅឡើយ ដោយកំពុងតែប្រមូលព័ត៌មាន អោយគ្រប់ជ្រុងជ្រោយសិន។
នាយករដ្ឋមន្ត្រីឡាវ លោក Thongloun Sisoulith បានលុបកិច្ចប្រជុំរបស់រដ្ឋដើម្បីដឹកនាំមន្ត្រីទៅកាន់កន្លែងកើតហេតុជួយដល់ពលរដ្ឋ ឲ្យបានទាន់ពេលវេលា។
ក្រុមហ៊ុន PNPC បានបង្កើនឡើងនៅឆ្នាំ ២០១២ ដោយមានឯកទេស នៅក្នុងការសាងសង់និងដំណើរការ គម្រោងថាមពលអគ្គីនីដោយប្រើប្រាស់ថាមពលទឹក សម្រាប់ប្រទេសឡាវនិងថៃ ។
គម្រោងសាងសង់ វារីអគ្គីសនី មានទំនប់ទឹក ៣ គឺ Houay Makchan, Xe Pian និង Xe Namnoy ស្ថិតនៅដៃនៃដងទន្លេមេកុង ។ ទទឹមនិងនោះទឹកនៅដងទន្លេ Xe Namnoy មានជម្រៅ ៧៣ម៉ែត្រ ប្រវែង ១៦០០ម៉ែត្រ អាចផ្ទុកទឹកបាន ជាង ១ពាន់ម៉ែត្រគីម ភាគច្រើនទឹកហូមកពី ទន្លេរ Xe Namnoy និង Xe Pian ៕

សូមអោយប្រជាជនឡាវ ចៀសអោយផុតគ្រោះទឹកជំនន់ដ៏គំហុកនេះ ខណះកាលពីព្រឹក ថ្ងៃទី២៤ ខែកក្កដា ឆ្នាំ២០១៨ បាក់ទំនប់ វារីអគ្គិសនី នៅខេត្តអាតាពើ ប្រទេសឡាវ ចម្ងាយ ៧០គីឡូម៉ែត្រ ពីព្រំដែន កម្ពុជា ។ សូមបងប្អូន នៅខេត្តស្ទឹងត្រែង និងរតនគិរី ប្រុងប្រយ័ត្នខ្ពស់ផង ដើម្បីសុវត្ថិភាព ដូចអ្វីដែលអាជ្ញាធរខេត្ត និងក្រសួងធនធានទឹក និងឧតុនិយម ប្រកាសព័ត៍មាន អោយប្រុងប្រយ័ត្ននោះ៕

អភិបាលខេត្តស្ទឹងត្រែង៖ នៅសល់១តឹកទៀត ទឹកទន្លេសេកុង នឹងឡើងដល់កម្រិតប្រកាសអាសន្នហើយ ខណៈប្រជាពលរដ្ឋរាប់ពាន់នាក់ នៅជាប់មាត់ទន្លេបាននិងកំពុងជម្លៀសចេញ

ខេត្តស្ទឹងត្រែង៖ អភិបាលខេត្តស្ទឹងត្រែង លោក​ មុំ សារឿន បានប្រាប់បណ្តាញព័ត៌មានថា គិតត្រឹមវេលាម៉ោងជាង៩ ព្រឹកថ្ងៃទី២៥ ខែកក្កដា ឆ្នាំ២០១៨នេះ ទឹកទន្លេសេកុងនៅសល់១តឹក ទៀតប៉ុណ្ណោះ នឹងត្រូវឡើងដល់កម្រិតប្រកាសអាសន្នហើយ ដែលកម្រិតត្រូវប្រកាសអាសន្នគឺ១១៖៥០ម៉ែត្រ។

លោកអភិបាលខេត្តបានប​ញ្ជាក់ថា រហូតមកដល់ម៉ោងនេះ មិនទាន់អាចកំណត់ចំនួនប្រជាពលរដ្ឋដែលត្រូវជម្លៀសនោះទេ ប៉ុន្តែមានរាប់រយគ្រួសាដែលមានទីលំនៅក្នុងឃុំចំនួន៤ នៅស្រុកសៀមប៉ាង ដែលត្រូវទឹកលិចបណ្តើរៗ ដោយត្រូវបញ្ជូនពួកគាត់ទៅកាន់ទីទួលមានសុវត្ថិភាព ដែលមានចំងាយប្រមាណ១គីឡូម៉ែត្រ ឬឆ្ងាយជាងនេះ ពីកន្លែងទឹកលិច។​

ក្រសួងធនធានទឹក និងឧតុនិយម បានប្រកាសថា គិមមកដល់វេលាព្រឹកព្រលឹមថ្ងៃទី២៥ ខែកក្កដា ឆ្នាំ២០១៨នេះ ទឹកជំនន់ដែលហូរចេញពីការបាក់ទំនប់ Se-Pian Se Nam Noi ក្នុងខេត្ត Attapeu ប្រទេសឡាវ បានមកដល់ព្រំដែនប្រទេសកម្ពុជាជាបណ្តើរៗហើយ និងបានលិចចូលតំបន់មួយចំនួននៅក្នុងឃុំថ្មកែវ ឃុំសន្តិភាព និងឃុំសេកុង នៃស្រុកសៀមប៉ាង ខេត្តស្ទឹងត្រែង។

ដោយពាក់ព័ន្ធបញ្ហាសុខភាពវិញ បន្ទាប់ពីទទួលបានដំណឹងពីការលិចលង់ដោយទឹកជំនន់ ដែលហូរធ្លាក់ពីប្រទេសឡាវ ដោយប្រជាពលរដ្ឋកម្ពុជារស់នៅតំបន់មួយចំនួន ក្នុងខេត្តស្ទឹងត្រែង ត្រូវបានជម្លៀសរកទីទួលសុវត្ថិភាពនោះ នៅព្រឹកថ្ងៃទី២៥ ខែកក្កដា ឆ្នាំ២០១៨នេះ លោក ម៉ម ប៊ុនហេង រដ្ឋមន្ត្រីក្រសួងសុខាភិបាល បានប្រាប់ឲ្យប្រធានមន្ទីរសុខាភិបាលខេត្ត ប្រញាប់ចុះចែកមុងជ្រលក់ថ្នាំ និងចាក់វ៉ាក់សាំងការពារជំងឺឆ្លងផ្សេងៗ ពិសេសជំងឺគ្រុនចាញ់ជូនដល់កុមារ និងស្ត្រីមានផ្ទៃពោះ ដែលងាយរងគ្រោះដោយសារទឹកជំនន់នោះ។

លោករដ្ឋមន្ត្រីក្រសួងសុខាភិបាល​ ម៉ម ប៊ុនហេង បានបញ្ជាក់ប្រាប់បណ្តាញព័ត៌មាន នៅព្រឹកថ្ងៃទី២៥ ខែកក្កដានេះយ៉ាងដូច្នេះថា «នៅខណៈពេលដែលមានបញ្ហាទឹកជំនន់នៅខេត្តស្ទឹងត្រែង ខ្ញុំបានប្រាប់ឲ្យមន្ទីរសុខាភិបាលខេត្ត ឲ្យចុះចែកមុងជ្រលក់ថ្នាំ និងចាក់វ៉ាក់សាំងដល់កុមារ និងស្ត្រីមានផ្ទៃពោះ ដើម្បីការពារជំងឺផ្សេងៗ ពិសេសជំងឺគ្រុណចាញ់»។

លោក ម៉ម ប៊ុនហេង បញ្ជាក់បន្ថែមថា ដើម្បីការពារការខ្វះខាតមុងជ្រលក់ថ្នាំសម្រាប់ចែកជូនបងប្អូនប្រជាពលរដ្ឋ ពេលនេះក្រសួងសុខាភិបាល បាននិងកំពុងបញ្ជូនមុងចំនួន៤០០០មុងថែមទៀត ដើម្បីទៅចែកជូនដល់បងប្អូនប្រជាពលរដ្ឋនៅខេត្តស្ទឹងត្រែង។ លោករដ្ឋមន្ត្រី ក៏សូមអំពាវនាវដល់បងប្អូនទាំងអស់ ការពារសុខភាពតាមរយៈការហូបស្អាតទឹកស្អាត និងកុំឲ្យកូនតូចៗ លេងទឹកដោយធ្វេសប្រហែសដោយសោះ ព្រោះអាចមានគ្រោះថ្នាក់ជាយថាហេតុ។

សូមបញ្ជាក់ថា ក្រុមអ្នកជួយសង្រ្គោះឡាវកំពុងបង្កើនកិច្ចខិតខំប្រឹងប្រែងស្វែងរកអ្នកនៅរស់រាន្តមានជីវិត បន្ទាប់ពីទំនប់វារីអគ្គិសនីមួយកន្លែង នៅក្នុងប្រទេសនេះ បានបាក់រលំកាលពីថ្ងៃចន្ទ ដោយបង្កជាគ្រោះទឹកជំនន់នៅតាមភូមិជាច្រើន និងផ្ដាច់យកជីវិតមនុស្ស២០នាក់។ នេះបើតាមការចេញផ្សាយដោយសារព័ត៌មាន BBC នៅព្រឹកថ្ងៃពុធ ទី២៥ ខែកក្កដា ឆ្នាំ២០១៨។

ជាមួយគ្នានោះដែរ បើតាមអាជ្ញាធរឡាវ មនុស្សជាង១០០នាក់ នៅតែបន្តបាត់ខ្លួននៅឡើយ ហើយរាប់ពាន់នាក់ទៀតបានបាត់បង់ ផ្ទះសម្បែងរបស់ពួកគេ។

បើតាមលោក​ តែ ណាវុធ អគ្គលេខាធិការគណៈកម្មាធិការជាតិទន្លេមេគង្គ បានបញ្ជាក់ថា ទំនប់ Se-Pian Se Nam Noi ក្នុងខេត្ត Attapeu ជាគម្រោងមួយស្ថិតក្រោមការសាងសង់របស់ក្រុមហ៊ុនកូរេ៕

ក្រុមកីឡាករ ដែលបានរំដោះចេញពីរូងភ្នុំ ទៅបួសដើម្បីសងគុណ​អ្នកលះបងជីវិតជួយខ្លួន

ក្រុមកីឡាករថៃ ដែលជាប់នៅក្នុងរូបភ្នុំថាំលួង ត្រូវបានរំដោះចេញក្រៅដោយសុវត្ថភាព ប៉ុន្តែមានការលះបង់ជីវិត ទាហានម្នាក់គួរឲ្យសោកស្តាយ។ នៅពេលនេះដើម្បីសងគុណ ដល់អ្នកលះបងជីវិតជួយខ្លួនឯង​ ក្រុមកីឡាករ បានសម្រេច កោរសក់ទៅមួស កាលពីថ្ងៃទី​២៤ខែកក្កដា ។
សកម្មភាពខាងលើ​របស់ក្រុមកីឡារករ «ជ្រូកព្រៃ» ដើម្បីគោរពដល់វិញ្ញាណនក្ខន លោក​ Saman Kunan ​អតីត ទាហាន​ SEAL ​ថៃ បានលះបង់ជីវិត ក្នុងពេលជួយក្រុមកីឡាករ នៅថ្ងៃទី​៦ខែកក្កដា ។ កន្លងមក កីឡាករ​ Adul Sam On ​បានធ្វើពិធីនៅក្នុងព្រះវិហារក្នុងតំបន់រួចរាល់ ដោយសារតែ មានជំនឿសសាសនាខុសគ្នា ។ ចំណេកកីឡាករ​១១នាក់ផ្សេងទៀត នឹងធ្វើពិធីបំបួស ជាសង្ឃក្នុងរយៈពេល​៩ថ្ងៃ នៅក្នុងវត្ត ផ្សេងៗគ្នា ។ ព្រះសង្ឃ​ ទាំងអស់ នឹងធ្វើពិធី សមាធិ សូត្រធម៌ ក៏ដូចជាធ្វើពលកម្ម បោសសម្អាត់ទីធ្លាវត្ត រហូតដល់ថ្ងៃទី ៣ខែសីហា ទើបចាកសេក្ខាបទវិញ។
សមាជិកក្រុមកីឡាករ​«ជ្រូកព្រៃ» ទើបតែបានចាកចេញពីមន្ទីពេទ្យ នៅសប្តាហ៍កន្លងមក​ ក្រោយ​ជួយសង្គ្រោះចេញពីរូងភ្នុំ ដោយក្រុមអ្នកជំនាញមុជទឹកមកពីអន្តរជាតិ ។ ក្រុមកីឡាករ បានចាកចេញពីរូងភ្នុំនៅថ្ងៃទី​២៣ខែកក្កដា ។

ក្នុងចំណោមអ្នកមុជទឹក អន្តរជាតិ មានជនជាតិ អូស្ត្រាលី លោក​ Craig Challen និង​ Richard Harris ​ត្រូវបានរដ្ឋាភិបាលថៃ ប្រគល់ មេដាយ​ «តារាក្លាហាន»នៅក្នុងព្រឹត្តិការដែលបានរៀបចំកាលពីថ្ងៃទី​២៤ខែកក្កដា ។ អ្នកមុជទឹកខាងលើគឺជាអ្នករកឃើញកុមារមុនគេបង្អស់៕

អ្នកនាំពាក្យក្រសួងមហាផ្ទៃ ព្រមានចំពោះអ្នកប្រឌិតព័ត៌មានបោកប្រាស់ ដើម្បីបំផ្លាញការបោះឆ្នោត

(ភ្នំពេញ)៖ អ្នកនាំពាក្យក្រសួងមហាផ្ទៃ នាយឧត្តមសេនីយ៍ ខៀវ សុភ័គ នៅថ្ងៃទី២៥ ខែកក្កដា ឆ្នាំ២០១៨នេះ បានលើកឡើងថា អ្នកប្រឌិតព័ត៌មានទាំងឡាយ ក្នុងចេតនាធ្វើឱ្យប៉ះពាល់ដល់ការបោះឆ្នោត នឹងត្រូវប្រឈមនឹងទោសព្រហ្មទណ្ឌ។

លោកខៀវ សុភ័គ បានពន្យល់ថា ការប្រឌិតព័ត៌មានក្លែងក្លាយទាំងឡាយ ដើម្បីភូតកុហកប្រជាពលរដ្ឋ រារាំងដល់ការបោះឆ្នោតខាងមុខនេះ ក្នុងនោះមានទាំងករណីទឹកខ្មៅជាដើម ត្រូវមានទោសព្រហ្មទណ្ឌ ដែលទោសនេះ អាចប្រឈមនឹងការជាប់ពន្ធនាគារផងដែរ។

ឆ្លៀតឱកាសនេះ នាយឧត្តមសេនីយ៍ ខៀវ សុភ័គ ក៏បានព្រមានផងដែរចំពោះអ្នកធ្វើយុទ្ធនាការម្រាមដៃស្អាត ដោយថានឹងប្រឈមចំពោះច្បាប់បោះឆ្នោត ហើយផាកពិន័យដោយគ.ជ.ប។ លោកបានអំពាវនាវដល់ប្រជាពលរដ្ឋ និងភ្នាក់ងារគណបក្សនយោបាយនានា ដាក់ពាក្យប្តឹងចំពោះជនណាដែលធ្វើយុទ្ធនាការម្រាមដៃស្អាត ក្នុងចេតនារារាំងដល់ការបោះឆ្នោត។

លោកបានបញ្ជាក់ថា៖ «ឆ្លៀតឱកាសនេះ ខ្ញុំសូមអំពាវនាវដល់ ប្រជាពលរដ្ឋ ឬភ្នាក់ងារគណបក្សនយោបាយ សូមដាក់ពាក្យប្តឹងទៅគ.ជ.ប កុំចាំសមត្ថកិច្ច បក្សណាក៏ដោយឱ្យតែចូលរួមប្រកួតប្រជែងក្នុងការបោះឆ្នោត មានសិទ្ធិដាក់ពាក្យប្តឹង»។

ពាក់ព័ន្ធនឹងការប្រឌិតព័ត៌មានក្លែងក្លាយ ដើម្បីរារាំងដល់ការបោះឆ្នោតនេះផងដែរ លោក គឹម សន្តិភាព អ្នកនាំពាក្យក្រសួងយុត្តិធម៌ បានបញ្ជាក់ថា ការផ្សព្វផ្សាយព័ត៌មានប្រឌិតនានា ដែលនាំឱ្យពលរដ្ឋមិនហ៊ានចេញទៅបោះឆ្នោត គឺជាសកម្មភាពបង្កភាពវឹកវរដល់សន្តិសុខសង្គម។

លោកថ្លែងយ៉ាងដូច្នេះថា៖ «សកម្មភាពខាងលើនេះ ជាអំពើល្មើសច្បាប់ព្រហ្មទណ្ឌ ប្រឈមនឹងការផ្តន្នាទោសដាក់ពន្ធនាគារពី៦ខែ ទៅ២ឆ្នាំ និងពិន័យជាប្រាក់ពី១លានរៀល ទៅ៤លានរៀល តាមបញ្ញត្តិមាត្រា៤៩៥ នៃក្រមព្រហ្មទណ្ឌ!»។

សូមបញ្ជាក់ថា កម្ពុជានឹងរៀបចំការបោះឆ្នោតជ្រើសតាំងតំណាងរាស្រ្ត អាណត្តិទី០៦ រយៈពេលតែ១ថ្ងៃប៉ុណ្ណោះ នៅថ្ងៃទី២៩ ខែកក្កដា ឆ្នាំ២០១៨ ខាងមុខនេះ។

គណបក្សនយោបាយចំនួន២០ បានចុះឈ្មោះចូលរួមប្រកួតប្រជែង ប៉ុន្តែទោះជាយ៉ាងនេះក្តី អតីតមេដឹកនាំ នៃអតីតគណបក្សសង្រ្គោះជាតិ ដែលតុលាការកាត់ទោសរំលាយចោល កាលពីខែវិច្ឆិកាឆ្នាំមុន ហើយត្រូវបានហាមឃាត់សិទ្ធិធ្វើនយោបាយនោះ បានអំពាវនាវកុំឱ្យប្រជាពលរដ្ឋ ទៅបោះឆ្នោត និងបានបង្កើតសកម្មភាពផ្សេងៗទាំងល្មើសច្បាប់ ដើម្បីរារាំងដល់ការបោះឆ្នោតនេះថែមទៀត៕

វ៉ាស៊ីនតោន៖ អាជ្ញាធរ​អាមេរិកបាន​ឱ្យដឹងថា ស្ត្រីជនជាតិរុស្ស៊ី​ម្នាក់ឈ្មោះ ម៉ារៀ ប៊ូទីណា (Maria Butina) ដែលត្រូវបាន​គេចោទ​ពីបទជ្រៀតជ្រែក​ក្នុងកិច្ចការនយោបាយ​របស់សហរដ្ឋអាមេរិក បានលះបង់​ព្រហ្មចារីរបស់ខ្លួន​ឱ្យបុរសជនជាតិអាមេរិក​ម្នាក់ ជាថ្នូរ នឹងការទទួល​បានការងារនៅ​ក្នុងអង្គការមួយដែលដាក់ជា​គោលដៅ។ នេះបើតាម​ការចេញផ្សាយ​ដោយ​សារព័ត៌មាន BBC នៅ​ព្រឹកថ្ងៃព្រហស្បតិ៍ ទី១៩ ខែកក្កដា ឆ្នាំ២០១៨។

នាង ម៉ារៀ ប៊ូទីណា (Maria Butina) អាយុ ២៩ឆ្នាំ ត្រូវបានចាប់ខ្លួន​កាលពី​ថ្ងៃអាទិត្យ ក្នុងទីក្រុង​វ៉ាស៊ីនតោន​ឌីស៊ី ជាទីដែលរូបនាង​ស្នាក់នៅ ដោយអាជ្ញាធរ​អាមេរិកចោទថា នាងបានធ្វើ​សកម្មភាពក្នុងនាមជា​ទីភ្នាក់ងាររុស្ស៊ី តាមរយៈ​ការអភិវឌ្ឍ​ទំនាក់ទំនង​ជាមួយប្រជាជន​អាមេរិក និងអង្គការនានា​ដែលមានឥទ្ធិពល​លើនយោបាយ​អាមេរិក។ មួយវិញទៀតសំណុំរឿងនេះ​ មិនមានជាប់​ពាក់ព័ន្ធនឹងការស៊ើបអង្កេត​លើការចោទ​ប្រកាន់ថា រុស្ស៊ីលូកដៃចូល​ក្នុងកិច្ចការបោះឆ្នោត​អាមេរិក​កាលពី​ឆ្នាំ២០១៦ នោះទេ តែបើសិន​ជាគេរកឃើញ​ទោសកំហុស​ ដូចការចោទ​ប្រកាន់​មែន នោះរូបនាង​នឹងត្រូវប្រឈមមុខ​ជាប់ពន្ធនាគារ ០៥ឆ្នាំ។
ក៏ប៉ុន្តែ​ឯកសារមួយដាក់ជូន​តុលាការអាមេរិក នៅថ្ងៃពុធ​សប្ដាហ៍នេះបាននិយាយថា នាង ប៊ូទីណា ធ្លាប់បានរស់នៅ​ជាមួយបុរស​ជនជាតិអាមេរិក​ម្នាក់អាយុ ៥៦ឆ្នាំ ដែលមាន​ឈ្មោះនៅក្នុងឯកសារ​នោះថា US Person 1។ មិនតែប៉ុណ្ណោះ ឯកសារនេះ​ដដែល​ក៏បានឱ្យដឹងដែរថា ប៊ូទីណា (Maria Butina) បានលះបង់ព្រហ្មចារីរបស់ខ្លួនឱ្យបុរស US Person 1 នេះជាថ្នូរនឹងការទទួល បានការងារ​នៅក្នុងអង្គការមួយ​ ដែលដាក់ជាគោលដៅ។
គួរបញ្ជាក់ថា នៅក្នុងឯកសារ​ខាងលើ​មិនបានបញ្ជាក់​ពីឈ្មោះអង្គការមាន​ជាប់ពាក់ព័ន្ធនឹង​ករណីនេះឡើយ។ ប៉ុន្តែ​នាង ប៊ូទីណា តែងតែបង្ហោះរូបភាព​ជាញឹកញប់​ នៅក្នុងពិធី ឬព្រឹត្តិការណ៍របស់សមាគម​កាំភ្លើងអាមេរិក National Rifle Association (NRA)៕

ខេត្តកំពង់ស្ពឺ៖ លោក វ៉ី សំណាង អភិបាលខេត្តកំពង់ស្ពឺ បានប្រកាសតាមបណ្តាញសង្គម ​​Facebook ឱ្យដឹងថា នៅថ្ងៃទី២០ ខែកក្កដា ឆ្នាំ២០១៨នេះ អាជ្ញាធរខេត្តកំពង់ស្ពឺ និងអាជ្ញាធរខេត្តព្រះសីហនុ បានសម្រេចផ្អាកការធ្វើចរាចរ នៅលើផ្លូវជាតិលេខ៤ ជាបណ្តោះអាសន្នហើយ បន្ទាប់ពីមានការវាយប្រហារដោយទឹកជំនន់។

បើតាម លោក វ៉ី សំណាង មូលហេតុនៃការផ្អាកនេះ ដោយសារជំនន់ទឹកភ្លៀង បានកាត់ផ្តាច់ផ្លូវជាតិលេខ៤ ត្រង់គីឡូម៉ែត្រលេខ៩០ (ខេត្តកំពង់ស្ពឺ) និងគីឡូម៉ែត្រលេខ១៥ (ព្រះសីហនុ)។ ទោះជាយ៉ាងនេះក្តី អាជ្ញាធរខេត្តទាំងពីរ បានអំពាវនាវឱ្យពលរដ្ឋដែលមានបំណងទៅខេត្តព្រះសីហនុ និងខេត្តកោះកុងប្រើប្រាស់ផ្លូវជាតិលេខ៤១ និង ផ្លូវជាតិលេខ៣ជំនួសវិញ។

សូមបញ្ជាក់ថា​ រយៈពេលប៉ុន្មានថ្ងៃមកនេះ កម្ពុជាបានរងនូវការវាយប្រហារដោយជំនន់ទឹកភ្លៀង បណ្តាលឱ្យភូមិ/ឃុំ ស្រែចម្ការមួយចំនួន រងការលេចលង់។

ចំណែកការិយាល័យបោះឆ្នោតមួយចំនួន នៅក្នុងខេត្តចំនួន៥ បានរងផលប៉ះពាល់ដោយទឹកជំនន់នេះ ក្នុងនោះរួមមានខេត្តកោះកុង កំពង់ស្ពឺ កំពង់ឆ្នាំង តាកែវ និងខេត្តកំពង់ចាមជាដើម។ នៅខេត្តកំពង់ស្ពឺ ដែលរងការលិចលង់ធ្ងន់ធ្ងរដោយទឹកជំនន់ បានធ្វើឱ្យប៉ះពាល់ដល់ការិយាល័យបោះឆ្នោត នៅឃុំចំនួន៦។

ទន្ទឹមនឹងខេត្តកម្ពុជា រងគ្រោះដោយជំនន់ទឹកភ្លៀង ក្រសួងធនធានទឹក និងឧតុនិយម ក៏បានចេញសេចក្ដីជូនដំណឹងមួយទៀត ប្រាប់អំពីស្ថានភាពរបស់ព្យុះទី៩ ឈ្មោះ សុនទីញ (SON-TINH) ដែលនឹងជះឥទ្ធិពលមកលើកម្ពុជា ចាប់ពីថ្ងៃទី១៩ ដល់ថ្ងៃទី២១ ខែកក្កដា ឆ្នាំ២០១៨ផងដែរ។

ឥទ្ធិពលនៃព្យុះនេះនឹងធ្វើឲ្យតំបន់មាត់សមុទ្រ តំបន់ខ្ពង់រាប តំបន់ជួរភ្នំ និងបណ្ដាខេត្តដែលស្ថិតនៅតាមបណ្ដាយព្រំដែនកម្ពុជា-វៀតណាម ផ្ទៃមេឃមានសភាពអាប់អួ មានពពកច្រើន និងមានភ្លៀងធ្លាក់ច្រើនថែមទៀត៕

ភ្នំពេញ៖ បើតាមសេចក្តីប្រកាសព័ត៌មានរបស់ក្រសួងសេដ្ឋកិច្ច ដែលបណ្តាញព័ត៌មាន ទទួលបាននៅថ្ងៃទី២០ ខែកក្កដានេះគឺ ក្រសួងសេដ្ឋកិច្ច និងហិរញ្ញវត្ថុ និង ធនាគារនីហរ័ណ អាហរ័ណចិន បានចុះហត្ថលេខាលើកិច្ចព្រមព្រៀងឥណទានសម្បទាននូវទឹកប្រាក់ចំនួន ២៥៩លានដុល្លារអាមេរិក សម្រាប់ហិរញ្ញប្បទានដល់គម្រោងសាងសង់ផ្លូវ ក្រវ៉ាត់ក្រុងទី៣។
បើតាមក្រសួងសេដ្ឋកិច្ច ការចុះហត្ថលេខាលើកិច្ចព្រមព្រៀងឥណទានសម្បទាននូវទឹកប្រាក់ចំនួន ២៥៩លានដុល្លារអាមេរិកនេះ ធ្វើឡើងកាលពីថ្ងៃទី១០ ខែកក្កដា ឆ្នាំ២០១៨កន្លងទៅនេះ។
គម្រោងសាងសង់ផ្លូវក្រវាត់ ក្រុងទី ៣ នេះនឹងត្រូវស្ថាបនាផ្លូវដោយមានប្រវែងសរុប ៤៧.៦គីឡូម៉ែត្រ ជាប្រភេទផ្លូវ ៤ គន្លង ដោយមានទទឹងតួផ្លូវសរុប២៥ម៉ែត្រ សម្រាប់ផ្លូវរថយន្ត៤គន្លង មានទទឹង៣.៥០ម៉ែត្រ /គន្លង និងផ្លូវទោចក្រយានយន្ត២គន្លង ទទឹង២.២៥ ម៉ែត្រ/គន្លង ដោយចាប់ ពីផ្លូវជាតិលេខ៤ ម្តុំអូរដឹម ត្រង់គីឡូម៉ែត្រលេខ ១៤+ ១០៥ ទៅចំណុចបញ្ចប់ភ្ជាប់នឹងផ្លូវជាតិលេខ១ ត្រង់គីឡូម៉ែត្រលេខ២៤+៨៤០ ដោយត្រូវងកាត់ផ្លូវជាតិលេខ ៣ត្រង់ ចំណុចគីឡូម៉ែត្រ លេខ២១+២០០កាត់ផ្លូវជាតិ លេខ២ ត្រង់ចំណុចគីឡូម៉ែត្រលេខ ២២+៨០០ និងកាត់ផ្លូវ ជាតិលេខ២១ត្រង់ចំណុចគីឡូម៉ែត្រលេខ ១៨+ ៤០០ និងផ្លូវខ្នែងប្រវែង ៥.៣៧គីឡូម៉ែត្រ។

ផ្លូវក្រវ៉ាត់ ក្រុងទី៣នេះ ជាខ្សែផ្លូវថ្មីមួយ ដែលតភ្ជាប់ផ្លូវជាតិសំខាន់ៗរបស់ប្រទេសកម្ពុជា ដោយចាប់ពីស្ពានព្រែកព្នៅផ្លូវជាតិលេខ៥ ឆ្លងមកផ្លូវជាតិលេខ៤ (កំណាត់ផ្លូវនេះបានសាងសង់រួចរាល់ហើយ ដោយសាលារាជធានីភ្នំពេញ) ភ្ជាប់មកផ្លូវជាតិលេខ៣ ផ្លូវជាតិលេខ២ ផ្លូវជាតិលេខ២១ និង ផ្លូវជាតិលេខ១ ដោយភ្ជាប់ទៅនឹងកំពង់ផែភ្នំពេញថ្មី ដែល បានសាងសង់ឡើង ក្រោមក្របខ័ណ្ឌឥណទានសម្បទាន ពី សាធារណរដ្ឋប្រជាមានិតចិនដូចគ្នា។ ពោលគឺ ផ្លូវក្រវ៉ាត់ ក្រុងទី៣ នឹងដើរតួនាទីយ៉ាងសំខាន់ក្នុងការរួមចំណែក ក្នុងការជួយសម្រួលចរាចរណ៍ ក្នុងរាជធានីភ្នំពេញផង និងការអនុវត្តគោលនយោបាយអភិវឌ្ឍន៍ឧស្សាហកម្មរបស់ ប្រទេសកម្ពុជា និងនឹងជាខ្សែផ្លូវថ្មីមួយទៀតបន្ទាប់ពីផ្លូវក្រវ៉ាត់ក្រុងទី២ ដែលកំពុងដំណើរការសាងសង់។
ក្រសួងសាធារណការ និងដឹកជញ្ជូន ក្នុងនាមរាជរដ្ឋាភិបាលកម្ពុជាបាន ចុះកិច្ចសន្យាសាងសង់ ជាមួយ ក្រុមហ៊ុន សំណង់សៀងហៃចិន ក្នុងការអនុវត្តការងារសាងសង់ផ្លូវក្រវ៉ាត់ក្រុងទី៣ នេះ ដែលនឹងមានការត្រួតពិនិត្យបច្ចកទេសដោយក្រុមហ៊ុន ក្វាងចូវវ៉ាន់អាន មកពីប្រទេសចិនផងដែរ។
កិច្ចព្រមព្រៀងឥណទានសម្បទានសម្រាប់គម្រោងសាងសង់ផ្លូវក្រវាត់ ក្រុងទី៣ ដែលភាគីទាំងពីរទើបបាន ចុះហត្ថលេខានេះ គឺជាផ្លែផ្កាថ្មីស្រឡាងមួយទៀត ដែលកើតចេញពីភាពជាដៃគូយុទ្ធសាស្រ្តគ្រប់ជ្រុងជ្រោយ រវាងព្រះរាជាណាចក្រកម្ពុជា ជាមួយសាធារណរដ្ឋប្រជាមានិតចិន ក្រោមការដឹកនាំប្រកបដោយបញ្ញាញាណ និងគតិបណ្ឌិតដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា៕

ប្រភពៈ facebook

ក្រសួងពាណិជ្ជកម្មអាមេរិក កាលពីថ្ងៃទី​១៩ ខែកក្កដា បានបញ្ជាក់ថា៖ នៅក្នុងសេចក្តីប្រកាសរបស់អាមេរិក បានបញ្ជាក់យ៉ាងច្បាស់ថា ទីក្រុងប៉េកាំងត្រូវតែទទួលខុសត្រូវ ដល់ការបរាជ័យ នៅក្នុងកិច្ចពិភាក្សា ពណិជ្ជកម្ម អាមេរិក -ចិន ។

តាមការលើកឡើងរបស់អ្នកនាំពាក្យក្រសួងពាណិជ្ជកម្មចិន បានបញ្ជាក់ថា «នៅពេលដែលតាមដានជាប់នូវការប្រែប្រួល​ បានបង្ហាញឲ្យឃើញថា អាមេរិក មិនបានគោរពការសន្យារបស់ខ្លួនឡើយ ហើយតែងតែផ្លាស់ប្តូរការសម្រេចរបស់ខ្លួន​ ។រដ្ឋាភិបាលទីក្រុងវ៉ាស៊ីនតោនគឺជាអ្នកបិទទ្វានៃកិច្ចពិភាក្សាពាណិជ្ជកម្ម​»។

មន្ត្រីពាណិជ្ចកម្មចិន បានបញ្ជាក់ថា «យើងសូមបញ្ជាក់ថា​អាមេរិក កំពុងតែអនុវត្តគោលនយោបាយ​«ភេរវកម្មសារតិ​» ក្នុងបញ្ហាពាណិជ្ជកម្ម តាមរយៈតម្លើងពន្ធ នៅលើពិភពលោក ។ មិនតែប៉ុណ្ណោះអាមេរិក បានទម្លាក់កំហុស របស់ខ្លួន ទៅលើភាគីផ្សេងទៀត​ ដោយមិនទទួលស្គាល់ពីទង្វើខុសឆ្គងរបស់ខ្លួន។

កាលពីថ្ងៃទី​១៩ខេកក្កដា ទីប្រឹក្សាសន្តិសុខជាតិ​អាមេរិក លោក​ Larry Kudlov បានបញ្ជាក់ថា​ មេដឹកនាំចិន លោកស៊ីជីងពីង មិនមានបំណងកែប្រែ​ណាមួយក្នុងវិស័យពាណិជ្ជកម្មនោះឡើយ​​ ក្នុងពេលដែលកិច្ចពិភាក្សាពាណិជ្ជកម្ម ត្រូវបានជាប់គាំងនាពេលនេះ។

តាមច្បាប់​ smoot Hawley ​របស់អាមេរិក​បានតម្លើងពន្ធលើផលិតផល ជាង ៩០០មុខ ពីបណ្តាប្រទេសជុំវិញពិភពលោក​។ ក្នុងពេលជាមួយគ្នានេះ កំរិតពន្ធថ្មីរបស់លោកត្រាំ មិនអនុវត្តទៅលើប្រទេសទាំងអស់ជុំវិញពិភពលោកនោះឡើយ​ ដោយសម្តៅទៅលើប្រទេស មួយចំនួន និងផលិតផលមួយចំនួនសំខាន់ៗតែប៉ុណ្ណោះ។ មកទល់ពេលនេះលោកត្រាំបានតម្លើងពន្ធលើដែកថែបនិង​អាលុយមីញ៉ូមរហូតដល់ ២៥និង ១០ភាគរយ នាំចូលពីបណ្តាប្រទេសជុំវិញពិភពលោក ។
កន្លងមកនៅឆ្នាំ​១៩៣១និង​១៩៣២ បណ្តាប្រទេស បានអនុម័តតម្លើងពន្ធ ទៅលើផលិតផលរបស់អាមេរិក និងប្រទេសផ្សេងទៀត បង្ករឲ្យមានភាពតឹងនៅក្នុងវិស័យពាណិជ្ជកម្ម ហើយកាន់តែតានតឹង ខ្លាំងឡើងពីមួយថ្ងៃទៅមួយថ្ងៃ ក្លាយទៅជាសង្គ្រាមពាណិជ្ជកម្មទ្រង់ទ្រាយធំ ។ ប៉ុន្តែបច្ចុប្បន្ន ជាភព្វសំណាង ការប្រឈមមុខជាទ្រង់ទ្រាយធំ មិនកើតឡើង ។ ជាការពិតនៅតំបន់ផ្សេងក្រៅពីអាមេរិកនាពេលនេះមានទំនាក់ទំនងយ៉ាងល្អនឹងគ្នា​ បង្កើនវិស័យពាណិជ្ជកម្ម មិនខ្វល់ពីការតម្លើងពន្ធរបស់អាមេរិក។

ការតម្លើងពន្ធ កាន់តែខ្ពស់ ការជះឥទ្ធិពលអាក្រក់ កាន់តែខ្ពស់ ។ មកទល់ពេលនេះ គោលនយោបាយពន្ធដារបស់លោកត្រាំ​ ខ្ពស់បំផុតគឺ ២៥ភាគរយ និង ១០ភាគរយ សម្រាប់ផលិតផលនាំចូលពីចិន​។ តាមអង្គការពាណិជ្ជកម្មពិភពលោក WTO នេះជាគំរិតពន្ធដាយ៉ាងខ្ពស់មិនធ្លាប់មាន ពីមុនមក ដោយកម្រិតពន្ធនាំចូលអាមេរិក មធ្យមមានតែ​ ៤ភាគរយប៉ុណ្ណោះ។ ប៉ុន្តែការតម្លើងពន្ធនាពេលនេះគឺនៅទាបជាង កាលពីឆ្នាំ​១៩៣០ ពេលនោះអាមេរិកតម្លើងពន្ធរហូតដល់ទៅ ៣៨ភាគរយ និង ៤៥ភាគរយ ។
ក្នុងអំឡុងឆ្នាំ​១៩៣០ ពន្ធ នាំចូលអាមេរិកកើតឡើង រហូតដល់ជិត​៥០ភាគរយ ហើយអនុវត្តទៅលើមុខទំនិញ ដល់ទៅ ១ភាគ​៣ មិនតែសម្រាប់ដែកថែបនិងអាលុយមីញ៉ូមនាពេលនេះឡើយ ដោយខ្ពស់បំផុតតែ​២៥ភាគរយប៉ុណ្ណោះ។
បច្ចុប្បន្ន ប្រទេសដែលត្រូវអាមេរិកតម្លើងពន្ធ ឈប់ខ្វល់ពីសកម្មភាពទាំងនោះហើយ ដោយនាំគ្នាខិតខំស្វែងរកទីផ្សារផ្សេងជំនួសអាមេរិក ។ កន្លងមកថ្មីៗ អេមីរ៉ាតអារ៉ាប់រួម និង​ចិន​ចុះ​ហត្ថលេខា​លើ​កិច្ចព្រមព្រៀងប្រេង និង​ពាណិជ្ជកម្ម​ក្នុង​ឱកាស​ទស្សនកិច្ច​របស់ប្រធានាធិបតីចិន ​លោកស៊ី ជីនពីង។

នៅ​ថ្ងៃ ទី១៩ កក្កដា ប្រទេស​ចិន និង​ប្រទេស​អេមីរ៉ាតអារ៉ាប់រួម​បាន​ចុះ​ហត្ថលេខា​លើ​កិច្ចព្រមព្រៀង​ចំនួន​ពីរ ទី១ ជា​កិច្ចព្រមព្រៀង​ប្រេងឥទ្ធនៈ និង​ទី២ ជា​កិច្ចព្រមព្រៀង​ពាណិជ្ជកម្ម។ ពិធី​ចុះ​ហត្ថលេខា​លើ​កិច្ចព្រមព្រៀង​ទាំង​ពីរ​បាន​ធ្វើ​ឡើង​ក្នុង​ទីក្រុង​អាប៊ូដាប៊ី មុន​ការ​ទៅ​ដល់​របស់​លោក​ប្រធានាធិបតី​ចិន​ស៊ី ជីនពីង។ លោក​ស៊ី​ដែល​បាន​ផ្តើម​ទស្សនកិច្ច​មួយ​ជុំ​ទ្វីបអាហ្រ្វិក និង​តំបន់​មជ្ឈិមបូព៌ា​ដោយ​ធ្វើ​ដំណើរ​ទៅ​កាន់​ប្រទេស​អេមីរ៉ាតអារ៉ាប់រួម​មុន​គេ។

ទាក់ទង​នឹង​កិច្ចព្រមព្រៀង​ប្រេងឥន្ធនៈ ក្រុមហ៊ុន​ប្រេងឥន្ធនៈ​សាធារណៈ​អេមីរ៉ាតអារ៉ាប់រួម​ឈ្មោះ Abu Dhabi National Oil Co បាន​បញ្ជាក់​ពី​ការ​ផ្តល់​ឲ្យ​ក្រុមហ៊ុន​ប្រេងឥន្ធនៈ​ចិន​ឈ្មោះ China National Petroleum នូវ​កុងត្រា​ចំនួន​ពីរ​ដែល​មាន​តម្លៃ ១ ៦០០លានដុល្លារ​ដើម្បី​ធ្វើ​ការ​សិក្សា​ពី​សណ្ធានដី​ក្នុង​គោលដៅ​ស្វែង​រក​ប្រភព​ប្រេងឆៅ និង​ឧស្ម័ន។ ក្រុមហ៊ុន Abu Dhabi National Oil បាន​បញ្ជាក់​នៅ​ក្នុង​សេចក្តីប្រកាស​ព័ត៌មាន​ថា ការ​សិក្សា​នោះ​នឹង​ត្រូវ​ធ្វើ​ឡើង​នៅ​លើ​ផ្ទៃក្រឡាដី​ចំនួន ៥៣ ០០០គីឡូម៉ែត្រក្រឡា​នៅ​ក្នុង​តំបន់​អាប៊ូដាប៊ី។ គួរ​បញ្ជាក់​ថា អេមីរ៉ាតអារ៉ាប់រួម​ជា​ប្រទេស​សម្បូរ​ប្រេងឆៅ និង​ដែល​បរិមាណស្តុក​របស់​វា​ចំនួន ៩៦% ស្ថិត​ក្នុង​តំបន់​អាប៊ូដាប៊ី។

កន្លង​មក ក្រុមហ៊ុន China National Petroleum ធ្លាប់​បាន​ទទួល​កិច្ចព្រមព្រៀង​សម្បទាន​ចំនួន​ពីរ​ពី​ក្រុមហ៊ុន Abu Dhabi National Oil ក្នុង​ទឹកប្រាក់ ៣ ០០០លានដុល្លារ។ ទាក់ទង​នឹង​កិច្ចព្រមព្រៀង​ពាណិជ្ជកម្ម ចិន​បាន​ទទួល​កុងត្រា​ដើម្បី​សាងសង់​តំបន់​ពាណិជ្ជកម្ម​មួយ​លើ​ផ្ទៃក្រឡាដី ៣គីឡូម៉ែត្រក្រឡា​នៅ​ក្នុង​មហាតំបន់​សេដ្ឋកិច្ចពិសេស​នៃ​មជ្ឈិមបូព៌ា​ស្ថិត​ក្នុង​តំបន់​ឌូបៃ។ តំបន់​ពាណិជ្ជកម្ម​នោះ​ជា​ទីតាំង​យុទ្ធសាស្រ្ត​របស់​ចិន ព្រោះ​វា​ស្ថិត​ជាប់​ផ្លូវសមុទ្រ​ដែល​អនុញ្ញាត​ឲ្យ​ចិន​ឆ្លង​ចូល​អាហ្រ្វិក និង​អឺរ៉ុប​តាម​សមុទ្រ​ចិន និង​មហាសមុទ្រ​ឥណ្ឌា​ក្នុង​ក្របខ័ណ្ឌ​នៃ​គម្រោង​ផ្លូវមួយ​ខ្សែក្រវ៉ាត់​មួយ​របស់​លោក​ប្រធានាធិបតី​ចិន​ស៊ី ជីនពីង​អនុម័ត​ក្នុង​ឆ្នាំ ២០១៣។
សូម​ជម្រាប​ជូន​ថា ចិន​ជា​ដែគូពាណិជ្ជកម្ម​ទី១ របស់​អេមីរ៉ាតអារ៉ាប់រួម។ តួលេខ​ផ្តល់​ដោយ​ក្រសួង​ហិរញ្ញវត្ថុ​អេមីរ៉ាតអារ៉ាប់រួម​ឲ្យ​ដឹង​ថា​ក្នុង​ឆ្នាំ ២០១៧ កន្លង​ទៅ ទឹកប្រាក់​នៃ​ការ​ដោះដូរ​ពាណិជ្ជកម្ម​ក្រៅ​ពី​ប្រេង​រវាង​ប្រទេស​ទាំង​ពីរ​មាន​ជាង ៥៣ ៣០០លានដុល្លារ​ក្នុង​នោះ មាន​ជាង ៩០% ជា​ការ​នាំ​ទំនិញ​ចិន​ចូល​អេមីរ៉ាតអារ៉ាប់រួម។ ដោយឡែក ប្រទេស​អារ៉ាប់​នៅ​តំបន់​ឈូងសមុទ្រពែក្ស​មួយ​នេះ​ជា​ប្រទេស​មួយ​ក្នុង​ចំណោម ១៥ប្រទេស​ផ្សេង​ទៀត​ដែល​បាន​ផ្គត់ផ្គង់​ប្រេង​ឲ្យ​ចិន។ ក្នុង​ឆ្នាំ ២០១៧ ចិន​បាន​ទិញ​ប្រេង​ពី​អេមីរ៉ាតអារ៉ាប់រួម​ក្នុង​ទឹកប្រាក់​ប្រមាណ​ជា ៤ ០០០លានដុល្លារ៕